Дөңгелек үстел барысында құқық қорғау органдарының қызметкерлері өз ой-пікірлерімен, тәжірибелерімен бөлісіп, құқықтық қоғамды дамытудың өзекті бағыттарын талқылады. Құқықтық тәртіпті қамтамасыз етудің заманауи тәсілдері, құқықтық мәдениетті арттыру жолдары және азаматтардың құқықтық санасын күшейту мәселелері бойынша мазмұнды пікір алмасу ұйымдастырылды.
Меморандумға қол қойылды!
META University ректоры Темербаева Айжан Маратовна және Алматы облысының прокуратурасы облыс прокурорының аға көмекшісі, топ басшысы Абиров Махсат Ержанович өзара ынтымақтастық туралы меморандумға қол қою – бірлескен жұмыстың жаңа кезеңін бастайтын елеулі оқиға.
Бұл меморандумның басты мақсаты – заңдылықты нығайту, азаматтардың құқықтары мен бостандықтарын қорғау, сондай-ақ қоғамда ашықтық пен әділдік қағидаттарын одан әрі ілгерілету.
Заң клиникасының ашылуы!
META University ректоры Темербаева Айжан Маратовна және Алматы қаласы Әділет департаментінің арнайы өкілі Әбзелбек Шынар Мақсатқызы Заң клиникасы кабинетін ашты.
Заң клиникасы — азаматтарға тегін құқықтық көмек көрсету, жастарға кәсіби біліктілігін арттыру және құқықтық ағартуды кеңейту жолындағы маңызды қадам.
Заң клиникасының ашылу салтанаты – студенттердің кәсіби құзыреттерін арттыруға, практикалық құқықтық дайындықты күшейтуге, сондай-ақ әлеуметтік осал топтарға тегін құқықтық көмек көрсетуге бағытталған маңызды бастама болып табылады.
Іс-шара барысында клиниканың мақсат-міндеттері таныстырылып, қызмет бағыттары мен жұмыс форматы түсіндіріледі.
